வட்டமிடுகின்றன வல்லூறுகள்
கிளிநொச்சி என்ன எலிக்குஞ்சா
கவ்விக் கொள்ள?

அமெரிக்காவில் பொருளாதார வீழ்ச்சி
ஆண்டிப்பட்டியில் விலை ஏற்றம்
உலகமயமாக்கலில் இந்தியா

மாறிய சாந்தம்
புத்தரின் முகம் சிவப்பானது
இனப்படுகொலையாகும் தமிழரின் ரத்தம் தெறித்து

மாற்றம்:

மனமாற்றம் இன்றி மதமாற்றம்
சாத்தியமாக்கியது சூலாயுதம்

அகலமாகிக் கொண்டே போனது
கரைகள் தொட்டுக் கொள்ளும் வரை
ஏரி வரப்பு

கற்றது தமிழ், சராசரி தமிழ் திரைப்படங்களிலிருந்து மாறுபட்ட ஒன்று தான். ஆனால் திரைக்கதையில் இன்னும் கொஞ்சம் கூடுதல் கவனம் செலுத்தி, வெட்ட வேண்டிய சில காட்சிகளை நீக்கியிருந்தால்

சராசரி ரசிகனின் கவனத்தையும் ஈர்த்திருக்கும், பருத்தி வீரனைப் போல். அருமையான நடிப்பை வெளிப்படுத்தியிருக்கும் ஜீவாவின் உழைப்பு, யுவனின் இசை, முத்துக்குமாரின் நெஞ்சை உருக்கும் வரிகள் என்று பல விஷயங்கள் இருந்தாலும், தமிழ் படித்தால் சைக்கோ ஆகி விடுவோம் என்று பார்வையாளர் அஞ்சும் விதத்தில் சில காட்சிகள் இருப்பது தேவை தானா. இயக்குனர் ராம் தனது அடுத்த படத்தில், முழு முத்திரையை பதிப்பார் என்று நாம் எதிர்பார்க்கிறோம்.

வலைப்பதிவாளர்கள் அனைவருக்கும் வணக்கம்